१० बर्षदेखि कलिउड नगरीमा संघर्ष गरिरहेका कलाकार रोहित रुम्बा फाल्गुन २३ गतेबाट भने आफ्नो सपना पुरा हुनेमा ढुक्क छन् । उनले अभिनय गरेको चलचित्र ‘तोरी लाहुरे’ले करिअरलाई उचाइमा पुर्याउने विश्वास उनको छ ।
एन.बी.महर्जनले निर्देशन गरेको यो सिनेमाले बेरोजगार यूवाहरुको कथा भनेको छ । चलचित्र उत्कृष्ट बनेकाले पनि चल्नेमा ढुक्क छ यसको निर्माणपक्ष । चलचित्रमा गजित बिष्ट, सुवास थापा, अशिष्मा नकर्मी, समुना जोशी लगायतका कलाकारले पनि अभिनय गरेका छन् ।
दिल कुमार तामाङ र रोशफि तामाङले संयुक्त लगानी गरेको यो सिनेमामा निरज कँडेलको छायांकन, सन्तोष राजको संगीत, सुरेन्द्र पौडेलको सम्पादन, शंकर महर्जनको द्वन्द्व छ । चलचित्रको प्रोमो आकर्षक बनेकाले पनि हलसम्म दर्शक तान्न मद्दत पुग्ने आशा कलाकार रोहित रुम्बाले गरेका छन् ।अनलाइनखबर डटकम
Post a Comment